Üsi Dirigäntin isch syt 1996 als Chinder-Jodlerchor-Leiterin ungerwägs. 

Zwüsche de Ching het si mal dr Dirigäntekurs, de dr Kursleiterkurs bezw. d Jugend und Musik - Usbildig gmacht.

D Jungjodler Oesch hei als KITAJUtzerli Utzenstorf (2007) und Jungjodler Alchenstorf (2009) ihre Afang gnoh.

Syt 2011 sy mir unger wächselndem Name bim BKJV drby. 2022 hei mir eigeti Statute gmacht u si e eigeständige Verein.

Albe einisch hei mir ou es eigets Lager im Wisli gmacht, oder e Singwuche im Schuelhuus Oesch.

2022 hei mir ou üsi 1. CD dörfe toufe i dr Chiuche z Chiupperg.

Syt denn gits ou d Fluehjutzer Ösch, e Formation us üsne "langjährige" Mitglieder, wo sälber ufträtte.

Als Vizedirigäntin isch d Michaela vor Rebekka abglöst worde. Aber bi üs hälfe alli Grosse mit, die Chlynere bir Stange z bhalte, bezw. ihne z zeige, wie das bi üs eso geit.